ROBERTUS

I.

ROBERTUS

Episcopus Namnetensis, Patriarcha Hierosolymitanus, ibi A. C. 1227. usque ad A. C. 1247. praefuit: Successit ipsi Iacobus Pantaleo.

II.

ROBERTUS

Fundator Ordinis Cisterciensis, A. C. 1098. Ab Honorio III. inter Sanctos receptus. Chrysostomus Henriquez, in Fascic. et Menol. Cisterc.

III.

ROBERTUS

Galliae Rex, cognomine Sanctus, Devotus, et Sapiens, filius Hugonis Capeti, vivô Patre coronatus, A. C. 988. ei successit, A. C. 997. Maritus Berthae, matris suae lustricae, et consobrinae siliae Conradi Burgundiae Regis ex Mathilde Francica, eam sententiâ Gregorii V. dimittere coactus, duxit Constantiam Blancam, filiam Guilielmi, Comitis Arelatensis et Provinc. quae superba admodum et ferox, prudentiâ mariti coercita est Eundem Campaniae Comit. turbas daturum compescuit, Ottonem Guillelmum, Comitem Trans-Arainum, Burgundiae Ducatum invadere parantem, vioit: Senonum urbem, Renardo Comiti, quod Archiepiscopum durius tractâsset, eripuit: Paceque regno datâ, literas fovit, templa exstruxit, etc. Coronari dein Hugonem primogenitum suum curavit, A. C. 1016. quô A. C. 1026. defunctô, Henricum Iuniorem ei surrogavit, frustra obnitente reginâ, quae minimum natu Robertu, Burgundiae Ducem, promotum ibat. Obiit Meloduni, A. C. 1031. aetat. 60. Glaber in Hist. Helgald. Fleuriacensis, in vita Rob. Dupleix et Mezeray, Hist. Gall.

IV.

ROBERTUS

Guischardus, Normannus, Apuliae et Calabriae Dux. Cum enim Tancredus Hautevillanus, Normannus nobilis, numerosam haberet familiam, non vero aeque magnas opes: filiorum duos in Italiam misit, Fierebras, et Druis, dictos, qui Pandulfo, Capuae Domino, se addicentes, aliis postmodum iuncti, Saracenis in Sicilia blelum movere inceperunt, quod cum feliciter succederet, fratres suos amicosque e Normannis, ad periculi gloriaeque societatem vocârunt. Inter quos Robertus eminens, victis saepius hostibus, post varias fortunae vices, obiit, A. C. 1085. aetat. 62. Pater Boemundi in bello sacro celeberrimi, et Rogerii, qui Apuliam et Calabriam nactus est. Andr. Duchesnius, in T. Script. Norm. Baron. in Annal. Vide etiam in voce Wischardi. FLANDRIAE COMITES, ET NASSOVIAE.

V.

ROBERTUS

Imperator Occidentalis cognomine Parvus, Princeps Palatinus, Dux Bavariae fuit. In locum Wenceslai ignavi sustitutus, A. C. 1400. Aquisgranenses proscripsit ac ad obsequium perduxit, Venceslao bellum movit. Italiam, ut Galeatium dominatum invadentem, compesceret, intravit, sed. Italorum perfidiâ, clade in agro Brixiano affectus, domum rediit; Germaniam pacavit, Obiit Oppenhemii A. C. 1410. Heidelbergae, ubi Academiam fundaverat, sepultus. Trithem. in Chron. Cuspinian. in Ruperto, etc.

VI.

ROBERTUS

cognomine Sapiens et Bonus, Neapolis, Hierosolymae et Siciliae Rex, Comes Provinciae, tertius filius Caroli II. Claudi, praelatus a Clemente V. Carolo II. Chariberto Hungariae Regi suo ex Carolo Martello, maiori natu fratre, nepoti. Cum Henrico VII. Imperatore a Papa in illum concitatus, rem habuit, sed inde feliciter se explicuit. Obiit Neapoli, A. C. 1343. aetat. 64. regni 33. Literatorum Maecenas, a Petrarcha, Epitaphiô ornatus. Cum heredes non haberet ex se natos, praemortui enim sunt, neptem suam Iohannam, ex Carolo genitam, heredem instituit. Petr. lib. 2. rer. memor. Summoneta Hist. Neapol. Nostradam. et Bouchaeus, Histor. Prov. etc. SCOTIAE REGES.

VII.

ROBERTUS

fil. Walravii Comitis Nassovii, rami Dilleburgensis, patri defuncto A. C. 1110. in ditione successit; arcem Nassoviam instauravit, obiit A. C. 1120. Pater Walravii et Friderici, qui vivô adhuc Patre interfectus est. Cyriacus Lentulus in Geneal. Principum Nassoviae MS. Vide quoque infra Rupertus. VIRI ILLUSTRES ET CLARI.

VIII.

ROBERTUS

filius Ludovici VI. ex Adelaide Sabaudica, stirps familiae regiae Druidensis; Hanc enim urbem et Comitatum appennagii locô accepit. Ex vidua Molonis, Pater Roberti II. qui obiit A. C. 1218. Pater ex Iolanta Roberti III. qui genuit, inter alios, Iohannem I. patrem Roberti IV. mortui, A. C. 1282. etc. Vide Sammart. Hist. Geneal. fam. Gall.

IX.

ROBERTUS

filius Ludovici VIII. ex Blanca Castellana, stirps Comitum Atrebatensium et Eusianorum. Cognomine Bonus et Strenuus. Fratris in expeditione sacra comes, occisus est Massutae, A. C. 1250. Ex Mathilde Brabantina, pater Roberti II. Nobilis, qui in praelo Gurtracensi obiit A. C. 1302. aetat. 54. Hic ex Amicia Cortenaea, suscepit Philippum, Robertum et Mathildem, quorum primus Robertum III. genuit, qui ab amita in foro victus, miris modis Galliam turbavit, Eduardi III. partes amplexus. Hic pluribus vulneribus in Armorica, cum Venetias Galli recuperarent, acceptis, obiit Londini. A. C. 1343. aetat. 54. Ex Iohanna, filia Caroli Valesii, pater Iohannis. Comitis Eusiani, Caroli Comitis Longavillani, etc.

X.

ROBERTUS

filius sextus Ludovici IX. ex Margareta Provinciali, Comes Claromontanus, Caput familiae Borboniae. Ex Beatrice Burgundica, fil. Iohannis et Agnetis Borboniae, pater Ludovici I. Ducis Borbonii, etc. Pietate et clementiâ inclitus, obiit A. C. 1318. Pet- Matthaeus Hist. S. Ludovic. Sammart. Hist. Geneall. Gall.